އައްނިގެ މައްޗަށް މާރިޔާދީދީގެ ނުފޫޒު

ސަރުކާރު ބަދަލުވުމާގުޅިގެން ތިމާގެ ފެންވަރު އޮޅިގެން އުޅޭ އެކަކީ މާރިޔާދީދީކަމަށް އެއްބަޔަކު ބުނަމުން ގެންދެއެވެ. ސަބަބުތަކެއްވެސް އެބަހުއްޓެވެ. އޭގެ ތެރޭގައި ފުލުހުން އެމީހުންގެ ގާނޫނީ ވާޖިބު އަދާކުރުމަށް ދާދިފަހުން ހުރަސްއަޅައި، ފުލުހުންނަށް މަލާމާތްކޮށް، ނުވިތާކަށް ފުލުހުންގެ ޝަކުވާއާއިގެން ތަންތަނަށް ދިޔުން ހިމެނެއެވެ. މާރިޔާމެން ގާނޫނީ ދާއިރާއިން ކިޔަވައިގެން ތިއްބެއްކަމަކު، ދައުލަތުގެ މުހިއްމު މުއައްސަސާއެއްކަމުގައިވާ ރައްޔިތުންގެ މަޖިލީހުގެ ސެކިޔުރިޓީ ބެލެހެއްޓުމަކީ ފުލުހުންގެ ގައުމީ ވާޖިބެއްކަމާއި ކޮންމެ ކޮންމެ މީހަކަށް ހުއްދަނެތި ވަދެވިގެން ނުވާނެކަން ވެސް ނޭގުނެވެ. އަދި މަޖިލީހުގެ މެމްބަރެއްކަމަކު ނުވަތަ އެހެން މީހެއްކަމަކު އެމީހަކީ ކާކުކަން މަޖިލީހުގެ ފޯރިމަރަން ތިބޭ ފުލުހުންނަށް ބުނެދިނުމަކީ ތަނުގެ ރައްކަލަކަށް ފުލުހުން ކުރާކަމެއް ކަންވެސް ނޭގުނެއެވެ. ނޭގޭކަމަށް ހެދީ ތޯއްޗެކެވެ!

މާޒީއަށް ޖެހިލާއިރު، މާރިޔާދީދީ އަކީ އެޓާނީ ޖެނެރަލް އޮފީހުގައި ކުރީގެ ރައީސް މައުމޫނު ވިދާޅުވިހާ ގޮތަކަށް މައްސަލަތައް ގެންދަވަން ހުންނަ އެތަނުގެ ވެރިއެކެވެ. ރައީސް މައުމޫނާ ވަރަށް ގާތް ގުޅުމެއް ބާއްވައެވެ. އެގޮތުން ރައީސް މައުމޫނުގެ މެމްބަރުކަން ވަނީ ރައްޔިތުންގެ މަޖިލީހުގައި ކުރައްވައި، މައުމޫނު ބޭނުންވާހާ ގޮތަކަށް ވޯޓުދެއްވައި ޒިންދަބާދު ކިޔުއްވާފައެވެ. މަތިމައްޗަށް ޕުރޮމޯޝަންތަކާއި ކުރިއެރުން ލިބެމުންދިޔައެވެ. ނަމަވެސް، ރައީސް މައުމޫނާ މެދު ނަފްރަތުކުރެވެން ފެށީ ދިވެހިރާއްޖޭގެ ފުރަތަމަ އަންހެން ބާންޑާރަނައިބަށްވުމުގެ ހުވަފެންފުޅުގައި ހުންނަވަނިކޮށް ޑރ ހަސަން ސައީދު ބަންޑާރަނައިބުކަމަށް އިސްކުރެވި މާރިޔާގެ ބޭނުން ނެތިގެންދިޔަ ހިސާބުންނެވެ. ނަމަވެސް، ހުޅުކޮޅު ރޯވީ ތިމާއަށް ވުރެ މާ ދަށް މަގާމެއްގައި ހުރި ދިޔާނާ ސައީދު ބަންޑަރަނައިބުގެ ނައިބަކަށް އައްޔަންކޮށް އޭނާގެ ދަށުން މަސައްކަތްކުރަންޖެހުމުންނެވެ. މިއީ ފިސާރި ދޮގެކޭ މާރިޔާ ބުނެބަލާށެވެ!

ދާދިފަހުން މާރިޔާދީދީގެ ނުޒޫފުންވަނީ ވަރަށް ގިނަ މަގާމުތަކެއް އަންނި ގާތުބުނެގެން ތިމާގެ ގާތްތިމާގެ އެތައް ބަޔަކަށް ބަހާފައެވެ. އިއްޔެ އިވިގެން ދިޔައީ މާރިޔާދީދީގެ އެއްބަޑު އެއްބަފާ ކޮއްކޮ ހައުލާ ދީދީއަށް ފޮރިން މިނިސްޓަރުގެ ނައިބުކަން ދިން ހަބަރެވެ. އަނެއް ކޮއްކޮ ހުރީ ރައީސް އޮފީހުގައި މިނިސްޓަރުގެ ނައިބު ފެންވަރުގައި އަންޑަ ސެކެރެޓަރީގެ މަގާމުގައެވެ. އިގިރޭސިވިލާތަށް ކަނޑައެޅި ސަފީރު ޑރ. ފަރުހުނާޒު ފައިސަލަކީ މާރިޔާގެ ފަހަރިއެވެ. (ފަރުހުނާޒުގެ ބޭބެއަކީ އަމީން ފައިސަލެވެ.) މާރިޔާގެ ނުޒޫފު އަންނިގެ މައްޗަށް ހުރިވަރު ނިކަން ދެކެބަލާށެވެ. މިއީ އަންނި ބުނެގެން އެމްޑީޕީގެ ޗެއާޕާސަންކަމާ މާރިޔާދީދީ ހަވާލުވުމުން އެކަމުގެ ކައްފަރާތޯއެވެ؟ އެމަގާމުތަކަށް އެކަށޭނަ އެހެން މީހުން ހުސްވީތޯއެވެ. އެހެން ބަޔަކަށް ފުރުސަތެއް ހަމަ ނެތީ ހެއްޔެވެ؟ ކުރިންވެސް މާރިޔާދީދީމެން، މިހާރުވެސް މާރިޔާދީދީމެން ތޯއެވެ؟!

މިވަގުތު ގައުމަށް ދިމާވެފައިވާ މައްސަލަތަކާމެދު ރައީސް ފިކުރުފުޅެއް ނުކުރައްވާ!

އިއްޔެ ބަޑޮސް އައިލެންޑު ރިސޯޓެއްގައި އޮތް ބައްދަލުވުމެއްގައި ރައީސް ނަޝީދު ވިދާޅުވީ މިވަގުތު ގައުމަށް ދިމާވެފައިހުރި މައްސަލަތައް ވަރަށް ފަސޭހައިން ހައްލުކުރެވިދާނެ ކަމަށާއި އެކަމާމެދު ހާވެގެން ނޫޅުއްވާކަމަށެވެ.¹ ކަންކަން ކުރަން އުޅޭ މީހަކަށް ކޮންމެ ކަމެއްވެސް ކުރެވިދާނެއޭ ބުނެ އުޅެއުޅެއެވެ. ނަމަވެސް، ގައުމަށް ދިމާވެފައިވާ މައްސަލަތައް ހޯދައްވައި އެމައްސަލަތައް ހައްލުކުރުމަށް ރައީސް ނަޝީދު އުޅުއްވާތޯ ނޫނީ އުޅުއްވަނީ ތިމާގެ ރައްޓެހި ރަހުމަތްތެރިންނަށް ދައުލަތުގެ ބޮޑެތި މަގާމުތައް ބަހައި، ބޯމަތިވެފައިވާ ރައްޔިތުންގެ މަޖިލީހުގެ ވީހާވެސް ގިނަ ގޮނޑި ހޯދަވަންތޯ ތިމާ އަމިއްލައަށް ސުވާލުކޮށްލަ ބައްލަވާށެވެ.

މިހާރު ފެންނަމުންދާ މަންޒަރުން، ރައީސް ނަޝީދަށް ގައުމަށް ދިމާވެފައިވާ ބޮޑެތި މައްސަލަތަކުގެ ނާޒުކުކަން އެގިލައްވަނީ ކިހާ ވަރަކަށްތޯ ސުވާލުކުރެވެއެވެ. ޖަލުގައި ތިބި ކުށްވެރިން އެމީހުންގެ ހައްގުތައް ހޯދުމަށް މުޒާހަރާކޮށް ސަރުކާރަށް މަޖުބޫރުކޮށްގެން ދޫތައް ހޯދަނީއެވެ. މީހުން މަރާ، ދީނުގައި ހަރާން އެއްޗެއް ކަމުގައި ލެއްވި މަސްތުވާތަކެތި ބޭނުންކޮށް އެހެން މީހުންގެ ހައްގުތައް މުގުރާލާ، ޖަލުގައި ތިބެންޖެހޭ އަނެއްބަޔަކު މާރާމާރީ އާއި ބޮޑެތި ގަތުލުއާއްމު ރޯމާ ދުވާލު ހިންގާއިރު، އަނެއްބަޔަކު މާމަޖާ ކުޅިވަރަކަށް ހަދާގެން ކުޑަކުދިންނާބެހި، ގަދަބާރުން އެހެން މީހުންގެ އިއްފަތްތެރިކަން ފޭރެމުންދާއިރު، މިއުޅެނީ ކުރާނެ ކަމެއް ނޭގިގެންނެވެ. ތަކެތީގެ އަގު އުފުލިގެން ގޮސް އެއްބަޔަކު ބަޑަށްޖެހި، އެއް ފަހަރާ އެތައް ރަށަކުން ބޯފެން ހުސްވެ ހަދާނެގޮތެއް ނެތިގެން މީހުން ކޮޅުކޮޅު މައްޗަށް ދުވަނީއެވެ.

މިކަހަލަ ހާލެއްގައި މިގައުމު އޮތްއިރުވެސް ރައީސް ނަޝީދު ވިދާޅުވަނީ ހާސްފުޅު ނުވާކަމަށެވެ. ކީއްވެގެންތޯއެވެ؟ އެކަންތައް ހައްލުކުރުމަށް ގިނަގުނަ ކަންތައްތަކެއް ރާއްވަވާ ހިންގަވަމުން ގެންދަވާތީ ތޯއެވެ؟ އެހެންނެއް ނޫނެވެ. އެއިންކަމެއްގެ ޝިކާރައަކަށް ތިމާ ނުވަތަ ތިމާގެ އާއިލާގެ މީހަކު އަދި ނުވާތީކަމަށް ވެދާނެއެވެ. (އެފަދަ ދެރަކަމެއް މެދުވެރި ނުކުރައްވާށިއެވެ!) މާލޭގައި ދުއްވާ އެއްޗެހި ގިނަވެ، އެކުސިޑެންޓުތައް އެއް ދުވަހުން އަނެއްދުވަހަށް އިތުރުވެ، މީހުން މަރުވަމުން ދިޔަދިޔުން ހަދުމަކުރާށެވެ. ޒައީމު މައުމޫނަކަށް މާބޮޑު ކަމަށް ނުވިއެވެ. ނަމަވެސް، އަބިކަބަލުން ލޯބިފުޅުވާ ބޭބޭގެ ލޯބިފުޅުވާ ފިރިހެން ދަރިފުޅު ނިޔާވުމުން އުޅުނުގޮތް އަދި ހަދާނެއް ނުނެތެއެވެ. ގައުމުގެ އެންމެން ހެލުމެޓު ނާޅައި ސަލާމަތްވީ ހަމަކިރިޔާއެވެ.

1 މިވަގުތު ގައުމަށް ދިމާވެފައިހުރި މައްސަލަތައް ވަރަށް ފަސޭހައިން ހައްލުކުރެވިދާނެކަމަށް ރައީސް ވިދާޅުވެއްޖެ - ހަވީރު ނޫސް

President Nasheed promises no harm shall touch his critics!

The President Nasheed promised no harm shall touch any person for being critical of his administration or policies. He further said he is more eager to listen to those criticisms/opinions and change his policies accordingly. (1) He spoke of it during a speech at a workshop held in the central province on provincial administration. He specifically emphasized the protection for job advancement, which was the same promise the former government of Mr Maumoon Abdul Gayoom had failed to honour.

We hail Mr Nasheed for the timely announcement and that he still remembers his days as a dissident writer who had born so much pains for exercising his freedom to expression enshrined in the constitution. At the same time, we take this opportunity to appeal Mr Nasheed to free the state media, TV Maldives and Radio Maldives, from the shackles of mdp activism by re-appointing the Maldives Media Corporation to include people from different political spheres.

1) President Mohamed Nasheed says not even an iota of harm shall touch a person for being critical or dissatisfied with his administration.

އެންވޯއީ އޮފް ސައިންސް އެންޑް ޓެކްނޮލޮޖީ “ޑީއޯ” ސައްޕޭ ގެ ހުރުމުގެ ޚަރަދަށް އެކަނި މަހަކު 20 ހާސް އެމެރިކާ ޑޮލަރު

ރިޝްވާން / ދިވެސް

ވޭތުވެދިޔަ ހަތަރު ފަސް އަހަރު ދުވަހުގެ ތެރޭގައި އެމްޑީޕީއަށާއި މިހާރުގެ ރައީސް ކެނެރީގޭ ނަޝީދަށް ކެމްޕެއިންކޮށް ރާއްޖޭގެ ޓޫރިޒަމް ބޮއިކޮޓް ކުރުމަށް ކުރި މަސައްކަތްތަކުގެ ކައްފާރައެއްގެ ގޮތުން އެންވޯއީ އޮފް ސައިންސް އެންޑް ޓެކްނޮލޮޖީގެ މަޤާމް ނިމިގެންދިޔަ ހަފްތާތެރޭގައި އެމްޑީޕީ ސަރުކާރުން ދީފައިވާ މަޝްހޫރު ޑީއޯ ސައްޕެގެ ހުރުމުގެ ޚަރަދަށް އެކަނިވެސް 20 ހާސް އެމެރިކާ ޑޮލަރު މަހެއްގެ ޚަރަދުވެއެވެ.

[އެޑިޓަރުގެ ގަލަމުން: ކުޑަ ސައްޕޭ އޭނާގެ އަމިއްލަ ސައިޓުގައި މިވާހަކަ ދޮގުނުކުރާހާހިނދަކު މިއީ ތެދެއްކަން ގަބޫލުކުރުމަށް އަހަރެމެންނަށް މަޖުބޫރެވެ. އެހެންކަމުން މިކަމުގެ ދޮގުތެދު އަވަހަށް ސާފުކޮށްދިނުމަށް ސައްޕޭގެ ކިބައިން އެދެމެވެ.]

ސައިންސް އެންޑް ޓެކްނޮލޮޖީގެ ދާއިރާއިން ރާއްޖެ ކުރިޔަށް އޮތް ތަނުގައި ކާމިޔާބީ ތަކެއް ހޯދައިދިނުމަށް އެދި އޭނާއަށް ދިން އެންވޯއީގެ މަޤާމް އޭނާ ފުރަން ޖެހެނީ އިނގިރޭސިވިލާތުގައި ހުރެގެން ކަމަށް ބެއެވެ. ކުރިޔަށް އޮތް ދިހަ އަހަރު ދުވަހުގެ ތެރޭގައި ރާއްޖެއަކީ ކާބަން ނިއުޓްރަލް ޤައުމަކަށް ހެދުމަށް މަސައްކަތްކޮށް ރާއްޖެއަށް ތިމާވެށީގެ ގޮތުން ކުރިއެރުން ގެނެސްދިނުމަށް ސައްޕެއާއި ހަވާލުކޮށްފައިވާއިރު އޭނާއަކީ ތިމާވެށީގެ ދާއިރާއިން އެއްވެސް އެއްޗެއް ދަންނަ މީހެއް ނޫނެވެ.

ތިމާވެށީގެ މައްސަލަތަކާއި ބެހޭ ގޮތުން ހާއްސަ ވީޑިއޯއެއް ދެއްކުމުގެ ގޮތުން ރޭ ބޭއްވި ހަފްލާއެއްގައި ރައީސް ނަޝީދު ވިދާޅުވީ ކުރިޔަށް އޮތް ދިހަވަރަކަށް އަހަރު ދުވަހުގެ ތެރޭގައި ރާއްޖެއަކީ ކާބަން ނިއުޓްރަލް ޤައުމަށް ހެދިއްޖެނަމަ ރާއްޖޭގެ ފަތުރުވެރިކަން އެތައް ގުނައެއް މައްޗަށް ދާނެ ކަމަށާއި މަސްވެރިކަމަށް ބޮޑެތި ހެޔޮ ބަދަލުތައް އަންނާނެ ކަމުގައެވެ. ބާކީބައި ވިދާޅުވުމަށް

ރައީސް ނަޝީދަށް،

މަނިކުފާނަށް މިސިޓީ ލިޔުމަށް އަޅުގަނޑު ގަލަން މިނެގީ ބުރަ ހިތަކައިގެންނެވެ. ތާއަބަދު އެއް ކަމެއް ތަކުރާރުވަމުންދާ ތަންފެނިފެނި ވަރުބަލިވެފައިވާ ހިތަކައިގެންނެވެ. އެކަންތައްތައް އެގެންދަނީ ގައުމު ހަލާކުރުމުންނެވެ.

އަޅުގަނޑުމެންގެ ޕާޓީ، އާދެ ލިބަރަލް ޕާޓީ، މަނިކުފާނުގެ ސަރުކާރާއި ގުޅުނީ މަނިކުފާނުގެ އެދުމުގެ މަތިން، މިގައުމުގެ ކަންތައްތައް ރަނގަޅުކޮށްދިނުމަށް ރައްޔިތުންނަށް މަނިކުފާނު ވެފައިވާ ވައުދު ހަގީގަތަކަށް ހަދައިދެވޭތޯއެވެ. ހެޔޮވެރިކަމެއް ކުރުމަށް މަގުފަހިކޮށް، އެކަމުގައި ބައިވެރިވެ، އަދި މިގައުމުގައި އަށަގަތްފައިވާ އިޖުތިމާއީ ބަލިމަޑުކަން ފުހެލުމަށެވެ. އެހެންނަމަވެސް، "އިއްތިހާދުގެ ގުޅުމު" ގެ ތެރޭގައި މަޝްވަރާކުރެވޭނެ ހަރުދަނާ އުސޫލެއް ނެތުމުގެ ސަބަބުން، މަނިކުފާނުގެ ސަރުކާރުގައި މައުނަވީ ގޮތެއްގައި ކަންތައްތައް ކުރުމަށް ވަނީ ހުރަސްތައް ކުރިމަތިވެފައެވެ.

މިހާލަތުގައި، އަޅުގަނޑުގެ މިއަގެއްނެތް ނަސޭހަތްތައް މަނިކުފާނަށް ފޯރުކޮށްދެވޭތޯ ގިނަގުނަ މަސައްކަތް ކޮށްފީމެވެ. ހަމައެކަނި 1382 ވޯޓު ލިބިފައިވާ "ކުރީގެ" ސިޔާސީ މީހެއްގެ ހާސަރުތައް އަޑުއައްސަވާލެއްވުމަށް ގައުމުގެ ރައީސަށް ލިބިލައްވާނީ ވަރަށް ވެސް މަދު ވަގުތުކޮޅެއްކަން އަޅުގަނޑު ގަބޫލުކުރަމެވެ.

އިއްޒަތްތެރި ރައީސް. މީހަކު އެއްޗެއް އަޑުއަހާނެހައި ވަރުގެ މީހަކަށް އަޅުގަނޑު ނުވެދާނެއެވެ. ނަމަވެސް، މިގައުމުގެ ރައްޔިތުންގެ އަޑު މަނިކުފާނު އައްސަވާށެވެ. އެމީހުންނަށް ބޮޑުވެގެން އުޅޭ ކަންތައްތައް ދެނެގަތުމަށްޓަކައި އެމީހުންގެ އަޑު އައްސަވާށެވެ. އެމީހުންގެ ޖީބުތަކަށް ލެވޭ މަދު ރުފިޔާކޮޅެއް އެމީހުން ބަލައިގަތްކަމުގައި ވިޔަސް، އެމީހުން ކަންބޮޑުވާ އެހެން ބޮޑެތި ކަންތައްތަކެއް ހުރެދާނެއެވެ. ނިމިގެން ދިޔަ އިންތިހާބު ކާމިޔާބުވުމުގެ އަސްލަކީ "5 ވައުދު" ކަމަށް ހައްދަވައި މަނިކުފާނު ގާފިލުވެނުލައްވާށެވެ. އާއްމުންގެ އުތުރި އަރައިގެންދިޔަ ޖަޒުބާތުތައް ގުޅިފައިވަނީ ހުރިހާ ދިމާލަކުން އިންސާފު ނެތިދިޔުމާއެވެ.

އިއްޒަތްތެރި ރައީސް. މިގައުމުގެ ހުރިހާ މައްސަލަތަކެއްގެ އަސްލަކީ މިގައުމުގައި ގާނޫނުގެ ވެރިކަމެއް ނެތުންކަން މަނިކުފާނަށް އެގިލައްވާތޯއެވެ؟ އަބްދުލް ގައްޔޫމް [އެބަހީ: މައުމޫން އަބްދުލް ގައްޔޫމް. ގައްޔޫމަކީ މާތްﷲގެ ނަންފުޅަކަށްވާތީވެ، އަސްލު ލިޔުމުގައި ނެތް "އަބްދުލް" މިލަފުޒު ކުރިޔަށް ގެނައީއެވެ] ސިފަވެފައިވަނީ ގާނޫނުގެ ވެރިކަމެއްގެ ހަތުރެއްގެ ގޮތުގައިކަން މަނިކުފާނަށް އެގިލައްވާތޯއެވެ؟ އެކަންވެގެން ދިޔައީ އޭގެ ސަބަބުން މަނިކުފާނެކޭ އެއްފަދައިން އެހެން މީހުން ވެސް ނަފުރަތުކުރުވި ކަމަކަށް ނޫންތޯއެވެ؟ އެމީހުންގެ ޖީބުތަކަށް ލާން މަދު ރުފިޔާކޮޅެއް ލިބުމުން މި ހާސްކަންބޮޑު ހާލަތުން މިންޖުވެވިދާނެކަމަށް މަނިކުފާނު ހަގީގަތުގައިވެސް ގަބޫލުކުރައްވަނީތޯއެވެ؟ އެހެން ކަމަށްވާނަމަ، އާއޮޑިއެއްގެ އަލަތު ދަތުރު ފެށުމަށްޓަކައި ނަގަލި އޮޑިޔަށް ނެގުމުގެ ކުރިން ވެސް މަނިކުފާނު ތިޔަ ގެންދަވަނީ އެއޮޑީގައި ބާ ހައްދަވަމުންނެވެ. އަބްދުލް ގައްޔޫމް ގެ ވެރިކަމުގެ 10 ވަނަ އަހަރުން ފެށިގެން ކުރެއްވި ކަމަކީ ހަމަ ތިޔައީއެވެ.

ގާނޫނުގެ ވެރިކަމަކީ އެއްވެސް އެއްޗެއް ނޫންކަމުގައި ކުރީގެ ސަރުކާރުން ދެކުމުގެ ނަތީޖާއަކީ އިޖުތިމާއީ ފޭރާން އެކީއެކަށް ކަމީނާވެގެން ދިޔުމެވެ. މީގެ ސަބަބުން އަޅުގަނޑުމެންނާ ކުރިމަތިވެފައިވާ މުސީބާތްތަކުގެ ތަފުސީލަށް ދިޔުމުގެ މާބޮޑު ބޭނުމެއް އޮތްކަމަކަށް އަޅުގަނޑު ނުދެކެވެ. ހަމައެއް ލަމައެއް ނެތުމާއި، ގާނޫނާއި ގަވާއިދުތަކަށް އެއްވެސް މިންވަރަކަށް ކަމޭނުހިތުމާއި، އިންސާފު ހޯދުމުގެ ނިޒާމާމެދު މީހުންގެ އިތުބާރުގެއްލި ތިމާމެންގެ އަމިއްލަ އަތް މައްޗަށް ގާނޫނު ގެނެސް ރުޅިވެރި ބައިގަނޑު ހަދައިގެން އިންސާފުހޯދުމަށް ނުކުތުމާއި، ކުޑަކުދިންނާ ބެހޭ މީހުންނާއި މީހުންގެ އިއްފަތް ފޭރޭމީހުންނާއި މުޖުރިމުން ފޯދި ގިނަވަމުން ދިޔުމާއި، ކުށްކުރާ ޒުވާނުންގެ އަދަދު މަތިވަމުންދާ ދިޔުމުން އަންގައިދެނީ ކަންތައްތައް ވަރަށް ބޮޑަށް ފައްދުފަހަނަ އަޅައިފިކަމެވެ.

އިއްޒަތްތެރި ރައީސް. މައްސަލަތަކާއި އެމައްސަލަތައް ހުރި ހިސާބުން އެގެނީ ހާލަތުގެ ނާޒުކުކަމެވެ. އަދި ނާޒުކު ހާލަތުން އެންމެ ފަހުން އަޅަންޖެހޭ ފިޔަވަޅުތައް މިހާރު އެޅުމަށް ގޮވާލެވެއެވެ. ސަރުކާރުގެ ވެރިންނަށް އެކަނި އެކަންތައްތަކެއް ނުކުރެވޭނެއެވެ. މިބިރުވެރިކަމުން ސަލާމަތްވުމަށް މުޅިގައުމު ރުކުލަވާލަން ޖެހެއެވެ. އަމުނު ގާއިމުކުރުމަށް ފުލުހުން މަސައްކަތްކުރުމުން ރުޅިވެރި ބައިގަޑުން ރައްދުދޭގޮތް މަނިކުފާނަށް ފެނިވަޑައިގަންނަވާ ނޫންތޯއެވެ. ފުލުހުން ވިޔަސް، ވަޒިރުންގެ މަޖިލީސް ވިޔަސް، ނުވަތަ މަޖިލީހުގެ މެމްބަރުން ވިޔަސް، އެމީހުންގެ ކަންތައްތަކަށް ހުރަސް އަޅާމީހުންނާ އެމީހުން ކުރިމަތިލާނެއެވެ. ހުރިހާ ސިޔާސީ ބަޔެއް ހިމެނޭގޮތުން އެއްބައިވެފައިވާ ރައްޔިތަކަށް މެނުވީ މިނުބައިކަމަކުން ސަލާމަތެއް ނުވެވޭނެއެވެ.

އަޅުގަނޑު މިސިޓީގައި ބުނަން ބޭނުންވާ ނުކުތާއަށް މިއާދެވުނީއެވެ. މިކަމަށްޓަކައި މިގައުމު އެއްބައިވަންތަ ކުރެވޭނީ ހަމައެކަނި މަނިކުފާނަށެވެ. އެއީ މަނިކުފާނުގެ ދުސްތޫރީ ވާޖިބެކެވެ. މީސްތަކުންގެ މެދުގައި އެއްބައިވަންތަކަން އަށަގެންނެވުމަކީ މަނިކުފާނުގެ ދުސްތޫރީ ވާޖީބެއް އަދި މަސްއޫލިއްޔަތެއްކަން ގާނޫނު އަސާސީ ކަޅާއި ހުދުން ބުނެދެއެވެ. ރައްޔިތުންގެ ތެރެއިން ގިނަބަޔަކު ބާކީކޮށް، ހަމައެކަނި ވަކި ޕާޓީއެއްގެ މެމްބަރުންތަކެއް ބަލައިގަތުމަކުން އެކަމެއް ނުކުރެވޭނެއެވެ. އެހެން ހެއްދެވެމުން އުފެދޭނީ އިތުރު ބައިބައިވުން ތަކެކެވެ.

އިއްޒަތްތެރި ރައީސް. މަނިކުފާނަކީ އެންމެންގެ ވޯޓުން ހޮވާފައިހުރި މިގައުމުގެ ރައީސެވެ. ތިޔައީ މަޖިލީހުގެ އަގުލަބިއްޔަތު ބޮޑު ޕާޓީއިން އައްޔަންކުރި ބޮޑުވަޒީރެއް ނޫނެވެ. އިއްޒަތްތެރި ރައީސް. ބޮޑުވަޒީރެއް ހުރުމަކަށް ދިވެހިރާއްޖޭގެ ގާނޫނު އަސާސީ އަދި ތަނެއް ނުދެއެވެ. ހަދުމަނެތިލައްވަފާނެތީވެ، އަޅުގަނޑު ހަދާންކޮށްލަދިނީއެވެ.

ގައުމީވަންތަކަމުގައި އިހުލާސްތެރިކަމާއެކު

އިބްރާހީމް އިސްމާއީލް

މާލޭގެ މެމްބަރު

އެޑިޓޯރިއަލް ބޯޑު: މަތީގައި އެވާ ސިޓީއަކީ މާލޭގެ މެމްބަރު އިބްރާހީމް އިސްމާއީލް އޭނާގެ އަމިއްލަ ބުލޮގުގައި ލިޔުއްވި އިގިރޭސި ސިޓީއެއްގެ ތަރުޖަމާއެކެވެ. ދިވެހިބަހަށް އެސިޓީ ގެނައުމަށް އަހަރެމެން ގަސްދުކުރީ ދިވެހިރާއްޖޭގެ ރަސްމީ ބަހަކީ އަދި މާދަރީ ބަހަކީ ދިވެހި ބަސްކަމަށް ވާތީވެއެވެ.

ރާއްޖޭގެ ފުލުހުންނާއި މީޑިއާއިން ބޮޑެތި މުޖުރިމުން ފޮރުވަނީ!

އެއް ދުވަހުން އަނެއް ދުވަހަށް ރާއްޖޭގައި ހިންގާ މާރާމާރީ އަންނަނީ ގިނަވަމުންނެވެ. ކަމުގެ ނާޒުކުކަންވެސް އަންނަނީ އިތުރުވަމުންނެވެ. މިއަދު މާރާމާރީއެއްގައި މީހަކު މަރާލުމަކީ އެއްވެސް ކަމެއް ނޫނެވެ. މިފަދަ ބިރުވެރި މާރާމާރީތައް ހިންގަނީ ގިނައިން ފުރާވަރުގެ ޒުވާނުންނެވެ. ކުޑަކުއްޖަކަސް ނުވަތަ ބޮޑުމީހަކަށް ވިޔަސް މީހުން މެރުން، ރޭޕުކުރުން ފަދަ ބޮޑެތި ކުށްކުރާ މީހުންވާނީ ބޮޑެތި މުޖުރިމުންނަށެވެ. އެފަދަ ފަރާތްތަކުގެ ކިބައިން މުޖުތަމައުގެ އާއްމު ފަރުދުން ސަލާމަތްވުމަކީ އާއްމުންގެ ހައްގެކެވެ. ނަމަވެސް، ހިތާމަކީ އެހައްގުން އާއްމުން މަރުހޫމުކުރެވިފައިވާތީވެއެވެ. ކުޑަކުދިންގެ ހައްގު ރައްކާކުރުމުގެ ނަމުގައެވެ. އެންމެ ހެއްވާކަމަކީ ކުޑަކުދިންގެ ހައްގު ރައްކާތެރިކުރުމަށްޓަކައި ނަން ހާމަނުކޮށް، ޖަލުގައި ބަންދުނުކޮށް މިފަދަ ބޮޑެތި މުޖުރިމުން ގޭބަންދަށް ދޫކޮށްލާފައި ތިއްބައި އަނެއްކާވެސް އެފަދަ ނުވަތަ އެއަށްވުރެ ބޮޑެތި ކުށްތައް ކޮށްގެން ފުލުހުން އެމީހުންގެ ފަހަތުން ދުވަންޖެހޭތީވެއެވެ.

ރާއްޖޭގައި ކުޑަކުއްޖެއްކަމަށް ބަލާއުމުރު 16 އަހަރުން 18 އަހަރަށް ގާނޫނީ ގޮތުން ބަދަލުކުރުމާ ގުޅިގެން ވަކި ހާއްސަ އިންތިޔާޒުތަކެއް އެބައިމީހުންނަށް ދެވުނެވެ. އޭގެ ތެރޭގައި 18 އަހަރު ނުފުރޭ މީހުންނާއި ކުދިންނާބެހޭ ޖިނާއީ ކުށްތައް ވަންހަނާކޮށް، އެމީހުންގެ މައުލޫމާތު އާއްމު ނުކުރުން ހިމެނެއެވެ. މިއީ ދިވެހިރާއްޖެއިން ކުޑަކުއްޖެއްކަމަށް ބަލާއުމުރު 16 އަހަރުން 18 އަހަރަށް ބަދަލުކުރުމުގައި ނަމޫނާއަކަށް ބެލި ހުޅަގުގެ ގައުމުތަކުގައި ނުވަތަ އެމެރިކާގެ ގައުމުތަކުގައި ވެސް ނުކުރާކަމެވެ. އިގިރޭސިވިލާތާއި އެމެރިކާގައި ބޮޑެތި ކުށްތައް ކުރާ މުޖުރިމުންގެ މައުލޫމާތު ގެންދަނީ ނޫސްވެރިންނަށް ހާމަކުރަމުންނެވެ. އެގޮތުން، އެމެރިކާގެ މިސޫރީގައި 13 އަހަރުގެ އޮވެން ވެލްޓީ ނަމަކަށް ކިޔާ ފުރާވަރުގެ ކުއްޖަކު 64 އަހަރުގެ މީހަކު މަރާލިކަންވަނީ ނޫސްވެރިންނަށް ހާމަކޮށްފައެވެ. 1 ހަމަ އެގޮތަށް، އިގިރޭސިވިލާތުގައި 18 އަހަރުގެ ޖޭމްސް ދެމާކޯ 18 އަހަރުގެ އެހެން ޒުވާނަކު މާރާލިކަންވަނީ ނޫސްވެރިންނަށް ހާމަކުރުމުން ބީބީސީގައި ގެނެސްދީފައެވެ.2

ހުޅަގުގެ ބަޔެއް ގައުމުތަކުގައި ފުރާ އުމުރުގެ ބޮޑެތި މުޖުރިމުންނާ ބެހޭ މައުލޫމާތު ހާމަކުރަނީ ޝަރީއަތަށް މައްސަލަ ސާބިތުވުމަށްފަހުއެވެ. އެހެން ނަމަވެސް، އެއަދަބަކަށް ދޭންޖެހޭ އެންމެ ހަރުކަށި އަދަބު ދޭކަން ހާމަވެއެވެ. އަދި ބަޔެއް ގައުމުތަކުގައި ގާނޫނީ ގޮތުން ބޮޑު މީހެއްކަމުގައި ބަލާ އުމުރާ ޖެހެންދެން އެފަދަ ކުއްޖަކު މުޖުތަމައުގެ އެހެން މީހުންނާ ވަކިން ބަލަހައްޓައެވެ. ރާއްޖޭގައި މިފަދަ އެއްވެސް ކަމެއް ނެތްތަނުގައި ރާއްޖޭގެ ޖަލުތައް މިއަދު ވެފައިވަނީ ރޯސްކުރި ކުކުޅު ކާލައިގެން، ޓީވީ ބަލާލަން އޮވެވޭފަދަ ޗުއްޓީ ކޭމްފުތަކަކާއެވެ. ފުރާއުރުމުގެ ތަކުރާރުކޮށް ބޮޑެތި ކުށްކުރާ ކުދިން ތިބެނީ މުޖުތަމައަށް ދޫކޮށްލާފައެވެ. އެހެންކަމުން، ބޮޑު މީހެއްކަމަށް ބަލާ އުމުރަށް ގެނެވުނު ބަދަލުން ހާސިލުވީ ކޮންކަމެއްތޯ މިއަދު ވިސްނާލަންޖެހެއެވެ. ރާއްޖޭގައި އެންމެ ގިނަ ކުދިން ތައުލީމީ މަރުހަލާ ނިންމާ އުމުރަކީ އަދިވެސް 16 އަހަރުކަމުގައި ވެފައި އެހާ ހިސާބުން މަސައްކަތުގެ ދާއިރާއަށް ނުކުމެއެވެ. އެހެންކަމުން ގިނަ ރަށްރަށުގައި ބޮޑުމީހެއްކަމުގައި ބަލަނީ އަދި ވެސް އެއުމުރެވެ. އުމުރު މަތިކުރުމުގެ ސަބަބުން ޖިނާއީ ކުށްތައް ހުއްޓުވުމަށް ފުލުހުންނަށް ދަތިތަކާ ކުރިމަތިލާންޖެހުމުން ދިވެހި މުޖުތަމައު މިއަދު މިވަނީ ބޮޑު ބިރުވެރިކަމެއްގެ ތެރޭގައެވެ.

ދުނިޔޭގައި ބޮޑު މީހެއްކަމުގައި ބަލަނީ ކޮން އުމުރެއްގައި

1. މީހަކު މަރާލިކަމަށް ތުހުމަތުކުރެވޭ ފުރާ އުމުރުގެ ކުއްޖެއްގެ ޝަރީއަތް ހިންގުމަށްޓަކައި ޖޫރީ އެކުލަވާލައިފި

2. ވަޅިން ހަމަލާދީ މީހަކު މަރާލައިގެން ފުރާއުމުރުގެ ކުއްޖަކު ޖަލަށްލައިފި

އެންވޯއީ ޓު މަސްމާރުކޭޓު އެންޑް ލޯކަލް މާރުކޭޓުކަމަށް މިސް ނާސިރާ!

މިއަދުގެ ވަގުތެއްގައި ޑީއޯ ކުޑަ ސައްޕޭ އެންވޯއީ ޓު ސައިންސް އެންޑް ޓެކްނޮލޮޖީގެ މަގާމަށް ރައީސް ނަޝީދު އައްޔަންކުރައްވައިފިއެވެ. އަދި ސައްޕޭއަށް މި މަޤާމު ދެއްވުމަށްފަހު، 10 އަހަރު ދުވަހުގެ ތެރޭގައި، މި ރާއްޖެއަކީ ދުނިޔޭގައި އޮތް އެންމެ ފުރަތަމަ ކާބަން ނިޔުޓްރަލް ޤައުމަކަށް ހެދުމަށްޓަކައި ސައެންސާއި ޓެކްނޯލޮޖީގެ ރޮނގުން އެކިއެކި ބާވަތުގެ މަޢްލޫމާތު ހޯއްދަވައި، ތަޙުލީލުތައް ކުރައްވައި އަދި މިކަމާ ގުޅިގެން ބައިނަލްއަޤްވާމީ ފަރާތްތަކާ މުޢާމަލާތްތައް ހިންގަވައި، މި އަމާޒު ޙަޤީޤަތަކަށް ހައްދަވައިދެއްވުމަށް ކަމަށް ރައީސް ނަޝީދު އެދިވަޑައިގަތެވެ.1

މި ހަބަރު އަޑު އިވުމާއެކު އަހަރެންގެ ހިޔާލުތައް ހިޔާލީ ދުނިޔެއަކަށް މިސްރާބު ޖަހައިފިއެވެ. ދެން، ކުރިމަތީގައި ހުރި ޓީވީ ހުޅުވާލުމާއެކު ފެނިގެން ދިޔައީ މިސް ނާސިރާ (ކުޑަކުދިންގެ ބަހުރުވައިން މޮޔަ ނާސިރާ) ފެންވަރައި، ނަލަހެދިލައިގެން ރީތިގޮތަކަށް ބޯހަދާލައި، ދެތިން ކުލަ ބޮލުގައި ޖައްސާލައިގެން ދިގުހެދުމެއްގައި ހުއްޓައެވެ. އެހާ ނަލަކޮށް ހުރުމުން ފުރަތަމަ ފަހަރު ނޭގުނީވީވެ އާގަނެފައި ބަލަހައްޓައިގެން ހުރެވުނީއެވެ. ވަރަށް ޝައުގުވެރިކަމާއެކު އަޑުއަހަން ހުރީމެވެ.

"މިއަދުގެ ވަގުތެއްގައި މިސް ނާސިރާ އެންވޯއީ ޓު މަސްމާރުކޭޓު އެންޑް ލޯކަލް މާރުކޭޓުކަމަށް ރައީސް ނަޝީދު އައްޔަންކުރައްވައިފިއެވެ. މަގާމުގެ ފަތްކޮޅު ހަވާލުކުރުން އޮތީ ރައީސުލްޖުމްހުރިއްޔާގެ ސެކެރެޓަރީގެ ކޮޓަރިކޮޅުގައެވެ. (ހަރަދުކުޑަ ކުރުމުގެ ގޮތުން، ކުރީގެ ރައީސް ބޭނުންކުރެއްވި ކޮޓަރިކޮޅު މަކުނުވާދަމާ ހިރަފުސްކުރުމަށް ދޫކުރައްވައި، ރައީސުލްޖުމްހުރިއްޔާގެ ސެކެރެޓަރީގެ ކޮޓަރިކޮޅު ރައީސް ނަޝީދު ބޭނުންކުރައްވަމުންދާކަން ބީބީސީގެ ރިޕޯޓަކުން ފެނިފައިވެއެވެ.2) މިމުހިއްމު ރަސްމީޔާތުގައި ރައީސް ނަޝީދު ދެއްކެވި ވާހަކަފުޅުގައި މިރޮގުން ރާއްޖޭގައި ހުންނެވި އެންމެ ތަޖްރިބާބޮޑު ބޭކަބަލަކީ (އަލިފާން ނިއްވާލުމުގެ ދާއިރާއިން އަބްދުއްﷲ ޝާހިދުމެންވަރު ނުވިޔަސް) މިސް ނާސިރާ ކަމަށާއި މަސްމާރުކޭޓު އަޅާނެ ރަނގަޅުތަނަކާމެދު އިތުރު ތަހުލީލުތައް ކުރުމަށާއި ލޯކަލް މާރުކޭޓަށް ގެންނަ ސާމާނު ގިނަކުރުމަށްޓަކައި އިތުރު ދިރާސާތައް ކުރުމަށް އެދިވަޑައިގަތެވެ. އަދި އެމަނިކުފާނުގެ ރިޔާސީ ދައުރު ނިމުމުގެ ކުރިން މިކަން ކޮށްދެއްވުމަށް އެދިވަޑައިގަތެވެ." އަހަރެންނަށް ހުވަފެނުން ހޭލެވި، ހޭވެރިކަންވީ ގޭތެރެއިން އެހެން މީހަކު "ވާ ވާ ސައްޕޭއޭ.. ދެން ބޮޑު މުސާރަ ނަގާލަ ނަގާލަ ހުރީމާވީތާދޯއޭ" ގޮވާލި އަޑަށެވެ.

1. ޑީއޯ ސައްޕޭއަށް އެންވޯއީ ފޮރ ސައެންސް އެންޑް ޓެކްނޯލޮޖީގެ މަޤާމު ރައީސުލްޖުމްހޫރިއްޔާ ދެއްވައިފި

2. ރާއްޖެއިން [މިހާރުގެ ރައީސް، ކުރީގެ] ރައީސްގެ އަގުބޮޑު ދިރިއުޅުމަށް އަލްވަދާކިޔަނީ

މަސްވެރިންގެ އާދޭސްތަކަށް ސަރުކާރުން ބީރުކަންފަތެއް ދެނީ!

އިއްޔެ ފެށުނު މަސްވެރިންގެ މުޒާހަރާއަކީ ގިނަ ދުވަސްތަކެއްވެފައިވާ މަސްވެރިންގެ ޝަކުވާތަކެއް ބަންޑުންކޮށްލި ދުވަހެކެވެ. އެމީހުންގެ މައިގަނޑު އާދޭހަކީ ސަރުކާރު ކުންފުނިން މަސްވެރިންގެ އަތުން ކަންނެލި ގަންނަ އެންމެ ކުޑައަގަކީ 45 ރުފިޔާއަށް އަދި ކަނޑުމަސް 10 ރުފިޔާއަށް ހަދައިދިނުމަށާއި، ސަރުކާރު ކުންފުނިން މާކަނޑުތަކުގައި މަސްވެރިކަން ކުރުން ހުއްޓާލައި މަސްވެރިންނަށް ސަރުކާރަށް މަސްވިއްކޭނެ ފުރުސަތުދިނުމަށާއި، ތެލުގެ އަގުހެޔޮކުރުމުގެ ގޮތުން ތެޔޮ ވިއްކުމުގައި މެދުވެރިންގެ ރޯލުކުޅޭ ފުއެލް ސަޕްލައި (އެފް އެސް އެމް) އުވާލުމަށާއި، ދާއަޅައިގެން މަސްވެރިކަންކުރުމަށް އޮންނަ ހުއްދަ އުވާލުމަށާއި، މަސްދޯނިތަކުގައި ބިދޭސީން ގެންގުޅުން މަނާކުރުމަށާއި، މަސްމާރުކޭޓު ސަރަހައްދުން ތެލާ، ފެނާ، އައިސް ލިބޭނެ ގޮތެއް ހަމަޖައްސައިދިނުމެވެ.

މީގެ ތެރެއިން ގިނަ ޝަކުވާތަކަކީ ހަގީގަތުގައި ރައްޔިތުންގެ ސަރުކާރަކުން ރައްޔިތުން އެކަމަކައިގެން ޝަކުވާކުރުމުގެ ކުރިންވެސް ހައްލު ހޯދައިދެވިފައި ހުންނަންޖެހޭ ކަންތައްތަކެވެ. މިސާލަކަށް ބުނާނަމަ، މަސްދޯނިތަކުގައި ބިދޭސީން ގެންގުޅެވެނީ ސަރުކާރުގެ ކަމާބެހޭ އިދާރާގެ އިހުމާލުންނެވެ. ނުވަތަ އެކަމާ ފިޔަވަޅު ނާޅައި މިއޮތްހައި ދުވަހު އެތިބީ ކޮންމެވެސް ބަޔެއްގެ ހާއްސަ މަސްލަހަތެއް އެކަމުގައި ހިމެނޭތީވެއެވެ. މިއީ މިއަދުން މިއަދަށް ވެސް މަނާކުރެވެން ޖެހޭ ކަމެކެވެ. ކޮންމެހެން މަސްވެރިން މަގުމައްޗަށް ނުކުމެ، ހަޅުތާޅުކޮށް، އަޑުގަދަކޮށް ރޮއި ހޭރެން ޖެހިގެންވާނެ ކަމެއްނޫނެވެ. ނަމަވެސް، ހިތާމަކީ ރައީސް ނަޝީދުގެ ސަރުކާރުން މަސްވެރިންގެ އާދޭން އަހަން ބޭނުންނުވާކަން ދޭހަވާގޮތަށް "ތިޔައީ މަސްވެރިންނެއް ނޫނޯ. މަސްވެރިންގެ ޖަމްއިއްޔާތައް ހުންނާނެޔޯ. ތިމަންމެނަށް ވާހަކަ ދެއްކޭނީ އެމީހުންނާ އެކަންޏޯ. ޖަވާބުލިބޭނީ ލިޔުމުން ހުށައެޅީމާ ލިޔުމުންނޯ.." ރައީސް ނަޝީދުގެ މީޑިޔާއާބެހޭ ސެކެރެޓަރީ ޒުހޭރު ވިދާޅުވުމުންނެވެ.

އަޖައިބުވެ އަންތަރީސް ނުވާނެތޯއެވެ. ރައްޔިތުންގެ ލާރިން މުސާރަ ދީފައި ތިބި ބަޔަކު އެމީހުންގެ ޒިންމާ ރަނގަޅަށް ނުއުފުލާތަނުގައި އެވާހަކަ ބުނަންވެސް މިޖެހެނީ އެކަމަށް އެޕޮއިންޓުމަންޓުހަދައިގެން ނޫނީ ލިޔުމުންނެވެ. ބަލަ، ތިމާމެންނަށް ރައްޔިތުން ލާރިދީފައި ތިޔަތިބީ ގައުމު ރަނގަޅަށް ހިންގަންކަންދަނެ އެކަންކުރެވޭތޯ ބަލާށެވެ. ބަޔަކު ތިމާމެން ކުރަންޖެހޭ ނަމަވެސް ނުވެފައިހުރި ކަންތައްތައް ހަދާންކޮށްދޭތީ އެކަމަށް ޝުކުރުވެރިވެބަލާށެވެ. ނޫނީ އެމަސްއޫލިއްޔަތު އަދާކުރެވޭނެ އެހެން މީހަކަށް ފުރުސަތުދޭށެވެ. ޒުހޭރުމެން ދައްކާ މިކަހަލަ ބަހަނާތަކަކީ މައުމޫނުގެ ސަރުކާރުން ދަސްކޮށްގެން އުޅޭ ޒާތުގެ ހާސަރުތަކަކެވެ. ހަދާނަށް އަންނަނީ އަންނިމެން މުޒާހަރާކޮށް ސަރުކާރާ ދެކޮޅަށް އަޑުއުފުލާ އުޅުނުއިރު އެކަމާގުޅިގެން ބޭރުމީހުންނަށް އެމައުލޫމާތު ދޭއިރު މައުމޫނުގެ ވަޒީރުން ވެސް ބުނެއުޅުނު "އެއީ އެންމެ ދެތިން މީހުންނޭ.. ގިނަމީހުން ތިބީ މިވެރިކަމާ ރުހިގެންނޭ.. އެވެރިންގެ މައިންބަފައިންނަކީވެސް ވެރިކަމާ ކޯޅުނު ބަޔެކޭ.. އެމީހުންގެ ތާއީދެއް މިރާއްޖެއަކު ނެތޭ" ފަދަ ބަސްބަހާއެވެ. ޒުހޭރުމެންގެ ލަދު މިއަދު ކޮބައިތޯއެވެ؟

މުޒާހަރާއާ ގުޅޭ ފޮޓޯތައް

ނަޝީދުގެ ސަރުކާރުން 700 މިލިއަން ރުފިޔާ ޗާޕްކޮށްފިކަން ފަޅާއަރައިފި

ނަޝީދުގެ ސަރުކާރުން ފުރަތަމަ ތިންމަހުގެ ތެރޭގައި 700 މިލިއަން ރުފިޔާ ޗާޕްކުރިކަން ފަޅާއަރައިފިއެވެ. މިކަމެއް ހިނގީ ކުރީގެ ސަރުކާރުން ފައިސާ ޗާޕްކުރިކަމަށް ތަކުރާރުކޮށް ރައީސް ނަޝީދުގެ ރިޔާސީ ބަޔާނުގައި އިހަކަށް ދުވަހު ވިދާޅުވެފައި ވަނިކޮށް، ރިޔާސީ ބަޔާނަށް މަޖިލީހުން ޖަވާބުދިނުމުގެ މަރުހަލާގައެވެ. މަޖިލީހުގެ ތަޅަމުގައި މިވާހަކަ މަވޯޓާ ޝަރީފު ގޮވުމުން ރައީސްގެ މެމްބަރު އަހުމަދު އާދިލްވަނީ އެކަމަކީ ހިގާފައިވާ ކަމެއްކަން ޔަގީންކޮށްދީފައެވެ. އަދި އެކަމުގެ ޒިންމާ ކުރީގެ ސަރުކާރުގެ ވެރިންގެ ބޮލުގައި އަޅުވާފައެވެ. އާދިލް ވިދާޅުވީ 700 މިލިއަން ރުފިޔާ ޗާޕްކުރަންޖެހުނީ ކުރީގެ ސަރުކާރުން ދައްކަންޖެހޭ 300 މިލިއަން ރުފިޔާގެ ދަރަންޏެއް އޮވެގެން ކަމަށެވެ.

ވެރިކަމާ ހަވާލުވާއިރު ދައުލަތުގެ ހަޒާނާގައި އެންމެ ލާރިއެއް ނެތަސް ފައިސާ ހޯދައިގެން ގައުމުގެ ކަންތައްތައް ރަނގަޅުކޮށްދޭނެ ކަމަށް ވައުދުވި ރައީސް ނަޝީދު އިތުރު 400 މިލިއަން ރުފިޔާ ޗާފުކުރީ ކީއްވެގެންބާވައެވެ؟ މިކަހަލަ ބޮޑެތި ކަންތައްތައް ރައްޔިތުންނަށް ހާމަނުކޮށް ފޮރުވައިގެންތިބެ އެހެން މީހުންގެ ވާހަކަ ދެއްކުމުގެ ބޭނުމަކީ ތިމާމެންގެ ނުކުޅެދުންތެރިކަން ވަންހަނާކުރުންނޫންތޯއެވެ؟ މިއީ މަސައްކަތް ރަނގަޅަށް ނުކުރެވޭމީހާ އޭނާ މަސައްކަތްކުރަން ގެންގުޅޭ ސާމާނު ގޮސްކުރުމާ އެއްފަދަ ކަމެކެވެ. ވެރިކަމުގެ ފުރަތަމަ 3 މަހުގެ ތެރޭގައި 700 މިލިއަން ރުފިޔާ ޗާޕުކުރުމަކީ ރާއްޖޭގެ ތަކެތީގެ އަގުތައް އުފުލި ޑޮލަރު ތާށިވަން ޖެހުނު އެއް ސަބަބެވެ. ނަމަވެސް، އަދި އަދަށްވެސް އިގުތިސާދީ ގޮތުން ހަރުދަނާ ފިޔަވަޅުތަކެއް މިސަރުކާރުން ނާޅާތަނުގައި އުޅެނީ ހޭވައްޓާލައިގެން މަޖިލީހުގެ ގޮޑިކޮޅު ލިބޭތޯއެވެ.

ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ސަރުކާރު ޒިންމާދާރު ކުރުމަށްޓަކައި ކަމަށް އެކަށޭނަ، ތައުލީމީ ގާބިލު އާމޫނުތަކެއް މަޖިލީހަށް ހޮވަންޖެހެނީ މިސަބަބުތަކާހުރެއެވެ. ޕާޓީއަށްވުރެ މަޖިލީހުގެ ޒިންމާ އުފެލޭނެ ފަރާތްތަކަށް ބަލައިގެން ވޯޓުދެއްވާށެވެ. ދިވެހިރާއްޖޭގައި މިއަދު މިއޮތް ރިޔާސީ ނިޒާމުގެ ތެރެއިން ރައްޔިތުންގެ މަޖިލީހުގެ ބޭނުމަކީ ސަރުކާރު ޖަވާބުދާރީކުރުވުމެވެ. އެހެންކަމުން މިސަރުކާރުގެ ބޮޑުންނާއި ޕާޓީމީހުން ލައިގެން ޖެހޭނީ ކުރިންވެސް މައުމޫނުގެ ވެރިކަމުގައި ޖެހުނުތަނުގައި ކަން ހަދުމަކުރާށެވެ. ރިޔާސީ ނިޒާމުގައި ވައުދު ފުއްދުމަށް މަޖިލީހެއް ބޭނުމެއްނުވާނެވެ. އެއީ ބަރުލަމާނީ ނިޒާމުގެ ސިފައެކެވެ. މަޖީލީސް ބޭނުންވެގެން އުޅެނީ ސަރުކާރަށް ފާޑުކިޔާ ފަރާތްތައް ހަނުހިމޭންކުރުވައި، ހުދުމުހުތާރު ވެރިކަމެއް ކުރުމަށް ނޫން އެހެންކަމަކު ނޫނެވެ. ރައްޔިތުން މިކަމަށް ހޭލުންތެރިވާށެވެ. ދެވަނަ ފަހަރަށް އެއްތަނެއްގައި "ބޮޑު ކުޅަދުރު" ކަށިޖެހިޔަނުދޭށެވެ.

ގާނޫނެއްނެތި ލާމަރުކަޒީ އުސޫލުން ގައުމު ހިންގަން އުޅުމަކީ ގާނޫނު އަސާސީގެ ރޫހާ ހިލާފުކަމެއް!

މަރުކަޒީ އުސޫލުން ވެރިކަން ކުރުން ފޭލިވެއްޖެކަން ކުރީގެ ވެރިކަމުގެ 30 އަހަރަށް ބަލާލުމުން ފުދެއެވެ. އަދި ރާއްޖޭގެ ރަށްތައް ތަރައްގީކޮށް، އަސާސީ ހިދުމަތްތައް ފޯރުކޮށްދެވޭނީ ލާމަރުކަޒީ އުސޫލުން ގައުމު ހިންގައިގެން ކަމާމެދު އެއްވެސް ޝައްކެއްނެތެވެ. ސަބަބަކީ ލާމަރުކަޒީ އުސޫލުން ގައުމު ހިންގަން ފެށުމުން ރަށްރަށުގައި އިތުރު ވަޒީފާގެ ފުރުސަތުތައް ހުޅުވި، ވިޔަފާރިތައް އިތުރުވެ، އާއްމު ހިދުމަތުގެ ފެންވަރު ރަނގަޅުވެގެން ދާނެއެވެ. ނަމަވެސް، އޭގެ ކުރިން ފުރިހަމަ ކުރަންޖެހޭ ދެކަމެއް އެބައޮތެވެ. އެއީ ދޭދޭ ދެރަށުގެ ދެމެދުގައި ދަތުރުފަތުރުގެ ނިޒާމެއް ގާއިމުވުމާއި އާބާދީ އެއްފަސްކުރުމުގެ މައްޗަށް ސަރުކާރުގެ ސިޔާސަތުތައް ފުރޮޅާލައި އެކަމަށް ބާރުއެޅުމެވެ. ފަލްސަފާއަކަށް ވުރެން ބޮޑަށް އަމަލީގޮތުންނެވެ. މިހެން ބުނާއިރުވެސް މިފަދަ ކަމެއް ހަގީގަތަކަށް ހަދަންބަލާއިރު ގިނަގުނަ ގޮންޖެހުންތަކެއް ހުރިކަން ގަބޫލުކުރަންޖެހެއެވެ. އޭގެ ތެރޭގައި ފައިސާގެ ތާށިކަމާއި މީހުންގެ ވިސްނުމާއި ކަމުގެ ތަޖުރިބާނެތުން ހިމެނެއެވެ.

ކަމަކީ ކިތަންމެ ރަނގަޅުކަމެއްކަމުގައި ވިޔަސް ކޮންމެ ކަމެއްވެސް ކުރަންވާނީ އެކަމަކަށް ރަނގަޅަށް ތައްޔާރުވެވި ހަރުދަނާ އުސޫލުތަކެއްގެ މަތިންނެވެ. ގާނޫނަކަށް ބޭނުންވާ ސަބަބަކީ މިއެވެ. އެހެން ނޫނީ ވެރިން ބަދަލުވާ ކޮންމެ ފަހަރަކު ނުވަތަ ވެރިންނަށް ފެންނަ ކޮންމެ ފަހަރަކު ވަކިގޮތަކަށް ކަންތައްތައް ބަދަލުކުރަން އުޅުމަކީ ގައުމުގެ ބަޖެޓަށް ބާރުބޮޑުވެ، އެތަކެއް ބޭކާރު ހަރަދެއް ކުރެވޭނެ ކަމެކެވެ. ވެރިމީހާ ބަދަލުވުމާއެކު ނުވަތަ އައު ދައުރަކަށް އިންތިހާބުވާ ކޮންމެ ފަހަރަކު އައު ސިޔާސީ މަގާމުތައް އުފައްދައި، އައު މުއައްސަސާތައް އުފައްދަންޖެހުމަކީ މީގެ ހެއްކެކެވެ. ދިވެހިރާއްޖޭގައި މިހާރު އޮތް ވެރިކަމުގެ ނިޒާމުކަމުގައިވާ ރިޔާސީ ނިޒާމު ހިންގާ އެމެރިކާއަށް ބަލާލާއިރު ސިޔާސީ މަގާމުތަކާއި މުއައްސަސާތައް އެއީ މަޖިލީހުން ފާސްކުރެވި ކަނޑައެޅިފައި ހުންނަ ކަންތައްތަކެވެ. ވެރިކަން ބަދަލުވުމާއެކު އަންނާނެ ހަމައެކަނި ބަދަލަކީ ސިޔާސީ މަގާމުތަކުގައި ތިއްބަވާ ބޭފުޅުން ބަދަލުވުމެވެ. މިއީ ރައްޔިތުންގެ މަޖިލީހުން ވިސްނާލުން ރަނގަޅުކަމެކެވެ.

ޝިހާބު އިސްތިއުފާދިނުން މާބޮޑަށް ވެސް ލަސްވެއްޖެ!

ގައުމުގެ އާރައީސް ފުރަތަމަ ރިޔާސީ ބަޔާނެއް އިއްވަން ޖެހުނީވެސް އެއްވެސް ގާނޫނީ ހައިސިއްޔަތެއްނެތް މަޖިލީހަކާއެވެ. ޑރ ހަސަނު ބުނިހެން މިމަޖިލީހެކޭ ބޭރުން ގެނެސްފައިތިބި މަޖޫރީނެއްނެކޭ ގާނޫނީ ހައިސިއްޔަތުން ބަލާއިރު މާބޮޑު ތަފާތެއް ނެތެވެ. މިއީ ރައްޔިތުންގެ ކުރިމަތީގައި ރައްޔިތުންގެ މަޖިލީހުގެ ގަދަރުކުޑަވެ، ރައީސުލްޖުމްހޫރިއްޔާގެ އަގު އާއްމުންގެ ކުރިމަތީގައި ވެއްޓިގެން ދިޔަ ކަމެކެވެ. މިހެން ވާން ދިމާވީ އިންތިގާލީ ރައްޔިތުންގެ މަޖިލީހުގެ ރިޔާސަތުގެ ދޯދިޔާކަމުންނެވެ. ގާނޫނު އަސާސީގައި ސާފުބަހުން ކަނޑައެޅިގެން ބުނެފައިވާ އެމަޖިލީހުގެ (އިންތިގާލީ މަރުހަލާގެ ރައްޔިތުންގެ މަޖިލީހުގެ) ޒިންމާތައް ރަނގަޅަށް ނޫފުއްލެވުމުން ވެގެން އުޅޭ ގޯސްތަކެކެވެ.

އިންތިގާލީ މަރުހަލާގެ ރައްޔިތުންގެ މަޖިލީހުގެ އެންމެ ބޮޑު ޒިންމާއަކީ އިންތިގާލީ މަރުހަލާގައި ހަދަންޖެހޭ ގާނޫނުތައް ހަދައި އައު ގާނޫނު އަސާސީގެ ދަށުން ދިވެހިރާއްޖޭގެ އާބާދީ ހަމަހަމަ ގޮތެއްގައި ރަމްޒުކޮށްދޭ، ސިޔާސީ ނުފޫޒުން ސަލާމަތްވެފައިވާ ރައްޔިތުންގެ މަޖިލީހެއް އިންތިހާބުކުރުމެވެ. ނަމަވެސް، ބަޔަކު މީހުން މަޖިލީހުގައި ރައްޔިތުންގެ ލާރިން މުސާރަނަގައިގެން ހުސްއަނގަތަޅައި، ޗުއްޓީނަގައި މަޖާކުރަނީ ގާނޫނު އަސާސީއާ ހިލާފުވުމަކީ އާދައިގެ ކަމެއްގެ ގޮތުގައި ރައްޔިތުންނަށް ދެއްކުމަށް ނޫން ކޮންކަމަކުބާވައެވެ؟ ވެރިކަން ބަދަލުވެގެން ދިޔައިރު، ވަރަށް މުހިއްމު ގާނޫނުތަކެއް އޮތީ ހަދަންޖެހިފައެވެ. އޭގެ ތެރޭގައި މިހާރާއި ކުރީގެ ރައީސުންގެ އިނާޔަތްތަކާއި އިމްތިޔާޒުތައް ކަނޑައެޅުން ހިމެނެއެވެ. މިފަދަ ގާނޫނެއް މަޖިލީހުގެ މެމްބަރުންގެ ފަރުވާކުޑަކަމުން ނުހެދިއޮތީތީވެ އޭގެ ހުރިހާ ދެރައެއް ލިބެމުން އެދަނީ ރައްޔިތުންނަށެވެ.

ރައްޔިތުންގެ މަޖިލީހުގެ ރުހުމެއް ބެލުމެއްނެތި، މަޖިލީހުން ތަނެއް ދެއްކުމުގެ ކުރިން މިހާރުގެ ރައީސް ނަޝީދު އެއޮތީ އަމިއްލައަށް ރިޔާސީ ގަނޑުވަރެއް ހަދާފައެވެ. ކުރީގެ ރައީސް އެގެންދަވަނީ އެބޭފުޅާއަށް ފެންނަގޮތަށް "ކުރީގެ ރައީސްގެ ގަނޑުވަރާއި އޮފީސް" ހިންގަވަމުންނެވެ. ކުރީގެ ރައީސްގެ އޮފީހޭ ބުނަންޖެހުނީ ދައުލަތުގެ ފައިސާއިން މުވައްޒަފުންނަށް މުސާރަދީ، ދައުލަތުގެ ހައިބަތާއި ގަދަރު ރަމްޒުކޮށްދޭ ދައުލަތުގެ ނިޝާންފަދަ ތަކެތި ބޭނުންކުރާތީވެއެވެ. ދެން، ރައްޔިތުންގެ މަޖިލީހުން އެބައިމީހުންގެ ވާޖިބު އަދާކުރެވުނީ ކިހާވަރަކަށްތޯ ވިސްނާލައްވާށެވެ. މަޖިލީހުގެ ރައީސް އިންނެވީ އަވަހާރަފުޅު ލެއްޕިފައިތޯއެވެ؟ މިހާރު ހަދާނަށް އަންނަނީ 10 އަހަރު ވަންދެން ގިނަ ދުވަސްތަކެއްވީ ނަމަވެސް ކުރިއެރުމެއްލިބިފައި ނެތް ޕޯސްޓު އޮފީހުގެ ހުންގާނުގައި ޝިހާބު ހުންނެވި ދުވަސްތަކުގެ ހަދާންތަކެވެ.