ދާދި ފަހުން ރައީސް އޮފީހުގައި އޮތް ނޫސްވެރިންގެ ބައްދަލުވުމެއްގައި، ގުއަޓަނާމާބެއިން ރާއްޖޭ ގެންނަ ކުއްވެރިންނާމެދު ސުވާލުނުކުރުމަށް ރައީސް ނަޝީދު ނޫސްވެރިންގެ ގާތުން އެދިވަޑައިގަތުމާއި އެކަމަކު އެމީހުން ގެންނާނެކަމަށް ތަކުރާރުކޮށް ވިދާޅުވުން.
ރައްދު: އޭބަލަ، ބޯހަމަ ނުޖެހޭ ސޭކާއެވެ. ދިވެހި ފަސްގަޑުގައި ދިވެހިންގެ ބަޔަކު ނޫންބަޔަކު ވަޒަންވެރިކޮށް، ސިއްރިޔާތުގައި ކަންތައްތަކެއް ހިންގަން އުޅެއްޏާމު ދިވެހިންނަށް އެކަންކަން އެގެން ބޭނުންވާނެއެވެ. އެގެންޖެހޭނެ ވެސް މެއެވެ. މިބިމަކީ ކަލޯގެ ތަރިކަ މުދަލެއްނޫނެވެ. ތިޔަކަމެއް ހުއްޓާލާފައި، ތިޔަ ވާހަކަ ނުދައްކާށޭ ބުނަނިކޮށް ހިމޭނުން ތިބެދާނަމެވެ. އެކަމަކު، ކަލޯއަކީ ނުލާހިކު ގޮތް ދޫނނުކުރާ ޖާހިލު ސޮރެއްކަން އަހަރެމެން ދެނެތިބޫމޫއެވެ.
2. އެމީހުން ގެންނާނީ ގާނޫނީ އިމުގެ ތެރޭގައި ކަމަށް ރައީސް ނަޝީދު ތަކުރާރުކޮށް ވިދާޅުވުން.
ރައްދު: ޕާސްޕޯޓުފަދަ ދަތުރުފަތުރުކުރުމަށް ބޭނުންވާ ލިޔެކިޔުންތައް ހުންނަންވާނެކަމަށް ދިވެހިރާއްޖޭގެ އިމިގުރޭސަން ގާނޫނު ބުނާއިރު، އެފަދަ ލިޔުންތައް ނެތްބަޔަކު ގާނޫނާ ހިލާފުނުވާނެގޮތަކަށް ރާއްޖޭ އެތެރެވާނެ ގޮތެއް ކެނެރީގޭ ނަޝީދަށް ބުނެދެވިދާނެބާވައެވެ؟ ހެލިކޮޕްތަރެއްގައި އައިސް ޖުމުހުރީ މައިދާނަށް އެވެރިން ބާލަނިކޮށްވެދާނެއެވެ. ނަމަވެސް، އެވާނީ ބަޔަކު މީހުން ސުމަގުލުކުރިކަމަށެވެ. އެކަމާ އަހުރެމެން ކަލޯގެ މައްޗަށް ދައުވާ އުފުލާނޫއެވެ. ޓެރަރިސްޓު ޖަމާއަތަކާ ގުޅުން ހުރި ކަމަށް ބެލެވޭ މީހުން (މިސާލަކަށް، އެކަމާ ތުހުމަތުކުރެވި ޖަލެއްގައި ބަންދުކޮށް ގަހުގީގުކޮށް، ތުހުމަތުން ބަރީއަ ނުވެވިވާ ބަޔަކުމީހުން) ރާއްޖެ އެތެރެ ނުވެވޭނެ ދިވެހިރާއްޖޭގެ ގާނޫނުތައް ބުނާއިރު، އެވެރިން ގެންނަން ތިޔައުޅެނީ ކޮން ގާނޫނެއްގެ ދަށުންތޯއެވެ؟ ގައުމުގެ ރައްކާތެރިކަމާ ސަލާމަތަށް ބިރެއްކަމަށް ބެލެވޭ ބަޔަކު ރާއްޖެ ނާދެވޭނެ ކަމަށް ދިވެހިރާއްޖޭގެ ގާނޫނުތައް ބުނާއިރު، އެހެން އެކަން އެހެން ނުވާނެކަމުގެ ޔަގީންކަން ކެނެރީގޭ ނަޝީދަށް ޝަރީއަތުގެ މަޖިލީހެއްގައި ދެވިދާނެތޯއެވެ؟ އެވެރިން އެމެރިކާގައި ވަޒަންވެރިކުރުމަށް އޮބާމާ ބޭނުންނުވާ ސަބަބު ބުނެދެވިދާނެތޯއެވެ.
3. ރާއްޖެއަކީ 100 ޕަސެންޓު މުސްލިމު ގައުމެއްކަމާއި އެވެރިން ގެނައުމާ ދެކޮޅު ހެދުމުން، ބައިނަލް އަގުވާމީ ދުނިޔެއަށާއި ފޮތުގެ އަހުލުވެރިންނަށް ދެއްކޭ މިސާލާމެދު ސުވާލު އުފެދޭކަމަށް ރައީސް ނަޝީދު ވިދާޅުވުން.
ރައްދު: މިއީ ދިވެހި މުސްލިމުންނަށް ކެނެރީގޭ ނަޝީދުކުރާ މަލާމާތެކެވެ. ރާއްޖެއަކީ 100 ޕަސެންޓު މުސްލިމު ގައުމެއްކަން ހަދާންވަނީ ތިމާ ކަމެއް ކުރަން ބޭނުންވެ، އެކަމާ ބަޔަކު ދެކޮޅު ހެދުމުން އެކަނި ހެއްޔެވެ؟ ބަލަ، ދިވެހި ފަސްގަޑުގައި ރާބޯމީހުން ގިނަކޮށް، ކިޔަވައިދޭ މުގައްރަރުން އިސްލާމު މާއްދާ ވަކި ކުރަން އުޅޭއިރު އެކަމެއް ހަދާނެއް ނުހުރެއެވެ. ރިޔާސީ ހިތާބުދޭއިރު، އިސްލާމުދީނޭ ބުނެ އެންމެ ލަފުޒެއްވެސް ބުނެނުލާކަމުން، އެކަމެއް އޭރަކު ހަދާނެއް ނުހުރެއެވެ. އިސްލާމުދީނުގެ އަސާސުތަކާ ދެކޮޅަށް ވާހަކަދައްކާ ހަދާއިރު ތިމާމީހާ މިއީ އެ 100 ޕަސެންޓު އިސްލާމު ގައުމުގެ ވެރިޔާގެ މަގާމުގައި ހުރި މީހާކަމު ހަދާނެއް ނުހުރެއެވެ. ބަލަ އަންނީއޭވެ. މީހުން ހިނި އަންނަ ޒާތު ކުޅޭކުޅޭ ވާހަކަ ނުދައްކާށެވެ. އަހަރެމެން ކަހަލަ ކުޑަ ގައުމަކުން ދެއްކޭނީ ކޮން މިސާލެއް ހެއްޔެވެ؟ ކުރާނީ މަލާމާތެއް ނޫންހެއްޔެވެ؟ ބަލަ، އެމެރިކާނުން ފޮތުގެ އަހުލުވެރިންނަށް ވެގެން އެފަދަ މިސާލެއް އަހަރެމެންނަށް ދައްކައިދިނުމަށް އޮބާމާގާތު ބުނަންވީނޫންހެއްޔެވެ؟ ދީނަށް ފުރައްސާރަކުރި އާނިޔާކިޔާ ވިޔާނުދާ އަންހެނާ އަނެއްކާވެސް އަންނި ބުނެގެން އެމްޑީޕީގެ ސެކެރެޓަރީ ޖެނެރަލްގެ މަގާމަށް ގެނައިކަން ސާފުކޮށްލަދީބަލާށެވެ؟
4. އެވެރިންނަކީ ޓެރެރިސްޓުން ނޫންކަމަށް ރައީސް ނަޝީދު ވިދާޅުވުން.
ރައްދު: ބަލަ، އެވެރިންނަކީ ޓެރަރިސްޓުން ނޫންކަމަށް އެމެރިކާނުން ބުނާކަން އަހަރެމެން ދިވެހިންނަށް ލިޔުމުން ދައްކައިދިބަލާށެވެ. އެއަކީ ލާހިކު ވާނެކަމެއް ނޫނެވެ. އެންމެ ރަގަޅެވެ. ޓެރެރިސްޓުން ނޫންނަމަ، އެވެރިން އެމެރިކާގައި ވަޒަންވެރިވުމަށް އޮބާމާ ދެކޮޅުހަދަނީ ކީއްވެހެއްޔެވެ؟ ގައިމު، މިތަނަށްވުރެ، ބިންބޮޑުވެފައި ތަނަވަސްވާނެއެވެ. އެވެރިން މާ އުފާވެސްވާނެތާއެވެ. ނޫނީ، އަބުރާ އެވެރިންގެ ގައުމަށް ފޮނުވާލުމަށް އެމެރިކާނުން ދެކޮޅު ހަދަނީ ކީއްވެކަން ބުނެދީބަލާށެވެ؟ އެވެރިން ރާއްޖޭގައި ތިބޭއިރު، އެވެރިންގެ ހަރަކާތްތައް އެމެރިކާނުން ގާތުންބަލައި އެވެރިންގެ ހަރަދު ބަރަދު ބަލާނެކަމަށް ބުނަނީ ކީއްވެހެއްޔެވެ؟
5. އެވެރިން ރާއްޖެ ގެނައުމަށް ރައީސް ނަޝީދު ބޭނުންވަނީ ކީއްވެ؟ މިހާރު އެކަން އޮތީ ކޮން ހިސާބެއްގައި؟
ޖަވާބު: ބޭނުންވަނީ އެމެރީކާނުން އަތުން ޑޮލަރުކޮޅެއް. އެމެރިކާނުންނަކީ ރާއްޖެއަށް މަދުފަހަރަކު ނޫނީ އެއްޗެއް ދިއްކޮށްލާބަޔެއްނޫން. އަބަދުވެސް، ކޮންމެ ކަމެއްގެ ފަހަތުގައި އަމިއްލަ އެދުން ގަނޑެއް. ފުރަތަމަ އަންނި އުޅުނީ ޗައިނާ މީހުން ގެންނަން. އެހެން ގައުމެއްގައި އެމެރިކާނުންގެ ބެލުމުގެ ދަށުން ޗައިނާ ބަޔަކު ވަޒަންވެރިކުރުވަން އުޅޭކަން ޗައިނާ ސަރުކާރަށް އެގުމުން، އެކަން އޮތީ މައްސަލައަކަށްވެފައި. އެހެންކަމުން ޝަހީދު މިހާރު އުޅެނީ ކޮންމެވެސް އެހެން ދެ މުސްލިމަކު ނޫނީ އެބުނާ ފޮތުގެ އަހުލުވެރިޔަކު ލިބޭތޯ. މިހާރު ލިބިފައި ވަނީ ފަލަސްތީނު މީހެއް. އެނާ އަތުގައި ޕާސްޕޯޓެއް ހިސާބުވެސް ނެތިގެން އެކަމާ ފަލަސްތީނުގެ ސަރުކާރާ ގުޅަމުން ގެންދަނީ.
