(އަޅާލުމަކީ ތާޖުއްދީން އިސްކޫލު ފަދައިން އައު އިމާރާތެއް އަޅައިދިނުމެވެ. ނުވަތަ ދަރިވަރުންގެ ކިޔެވުމަށް ދަތިނުވާނޭ ގޮތަކަށް ކަންތައްތައް އިންތިޒާމުކޮށް، އައު އިމާރާތުގެ ކުރެހުންތައް ތައްޔާރުކޮށް، އިމާރާތްކުރުމުގެ މަސައްކަތް ހަލުވިކުރުމެވެ.) އެއާ ހިލާފަށް، ސަރުކާރުން މަސައްކަތްކުރަނީ އިސްކޫލަށް ވަދެވޭނެ އަދަދު ކޮންޓުރޯލުކުރުމާއި ޖާގައިގެ ގޮތުން ކުޑަ ތަނަކަށް އިސްކޫލު ބަދަލުކުރާށެވެ. މިކަމުގެ ބޭނުމަކީ ކޮބާބާވައެވެ؟ ނުވަތަ ސަރުކާރުގެ ނިޔަތަކީ ކޮބާބާވައެވެ؟
މިއަދުގެ ސަރުކާރުން އަރަބި ތައުލީމަށް ނަފުރަތުކުރާކަން ވަރަށް ގިނަ ގޮތްގޮތުން ހާމަވާން އެބައޮތެވެ. އޭގެ ހެއްކަކީ، ވެރިކަމަށް އައުމުގެ ކުރިން ކެނެރީގޭ ނަޝީދާއި މާރިޔާމެން ފަދަ މީހުން އަރަބި ތައުލީމަށް ޖޯކުޖެހުމާއި އަރަބި ތައުލީމު އެއްކޮށް ހުއްޓުވާލެވެން އަންނަނީ ހުޅަގުގެ އެއްބާރުލުން ލިބިގެން ކަމަށް މިސަރުކާރުން އެމެރިކާއަށް ކަޑައަޅާފައިވާ ސަފީރު ބުނި ކަމަށް އިންޓަނެޓުގައި ލީކުވެފައިވާ އެމެރިކާ ސަރުކާރުގެ ސިއްރު ލިޔުންތަކެވެ. އަރަބިއްޔާ މައްސަލާގައި ސަރުކާރުގެ ނިޔަތާމެދު ސުވާލުކުރެވެނީ މިހެންވެގެންނެވެ. އަނެއް ސަބަބަކީ އެހެން ބިމަކަށް އަރަބިއްޔާ ބަދަލު ކުރަންޖެހޭ ސަބަބާއި އަރަބިއްޔާއަށް ދިމާވެފައިވާ މައްސަލަތައް ހައްލުކުރުމަށް އެއިސްކޫލުގެ ބެލެނިވެރިންނާ ސަރުކާރުން ވާހަކަ ނުދައްކާތީވެއެވެ.
މިކަންކަމަށް ވިސްނާއިރު، އަހަރެމެންނަށް ބުނެވޭނީ ސަރުކާރުގެ ވިސްނުމަކީ މަޑުމަޑުން ގެންގޮސް އަރަބިއްޔާ އުވާލުމެވެ. ނުވަތަ އަރަބި ތައުލީމު ރާއްޖެއިން ނެތިކޮށްލުމެވެ. މިހާރު އެކުރާ ކަންތައްތަކަކީ އޭގެ ކޮޅުމައްޗެވެ.
ސަރުކާރުގެ ހަގީގީ ނިޔަތް އެގިއްޖެޔާމު އާއްމުން ރުޅި އަންނާނެ ވަރު ސަރުކާރަށް އެގެއެވެ. އެމްޑީޕީގެ ތާއީދު އާއްމުންގެ މެދުގައި ގެއްލޭނެކަން އެގެއެވެ. ކޮންމެއަކަށް މިހާރު މިއޮތީ ބުޅާ ގޯނިން ދޫވެފައެވެ. ދެންވެސް، މާލޭގައި ރާ ވިއްކަން އުޅުނުހެން، ސަރުކާރުން ދޫނުކޮށް ހިފަހައްޓައިގެން އުޅެނީ ކީއްވެގެންތޯ ސުވާލު ކުރެވޭނޫން ހެއްޔެވެ؟ އޭގެ ސަބަބަކީ ސަރުކާރުގެ ސިޔާސަތުގެ މައްޗަށް ރައީސް އޮފީހުގައި އުޅޭ ލާދީނީ މީހުންގެ ނުފޫޒާއި ބާރެވެ. އެމްޑީޕީގެ ތާއީދު ރައްޔިތުންގެ މެދުގައި ގެއްލުމަކީ އެމީހުން ބަލަން ބޭނުންވާ ކަމެއް ނޫނެވެ. އެމީހުންގެ މަގުސަދަކީ އެމީހުންގެ ލާދީނީ ފިކުރު ފެތުރުމެވެ.
އެމްޑީޕީއާއި ޕާޓީގެ އާއްމު މެމްބަރުންނަކީ އެމީހުން ދެކޭގޮތުގައި އެމީހުންގެ ފީކުދާނެވެ. އަންޑަނަ އެކެވެ. މެމްބަރުން ކޮޅު ގުބޯ ހައްދައިގެންނެވެ. އޭއް! އެމްޑީޕީގެ ދީނަށް ލޯބިކުރާ ދަރިންނޭވެ! ނިދިން ހޭލާށެވެ. ތިމާމެންގެ ނަމުގައި އިސްލާމީ އަރަބި ތައުލީމު ނެތިކޮށްލިޔަނުދޭށެވެ. ކީރިތި ގުރުއާން ބާއްވާލެއްވުނީ އަރަބި ބަހުންނެވެ. (އޭގެ ސަބަބު ގުރުއާނުގައި ބަޔާންވެފައި ވެއެވެ.) އަހަރެމެންގެ ދަރިން އަރަބި ބަސް ދަސްކޮށް އެގުރުއާނުގައި ބުނާ އެއްޗެއް އެގެން ޖެހެއެވެ. ދެދުނިޔޭގެ ބާއްޖަވެރިކަމަށް ޓަކައެވެ. ނަމަވެސް، ދީނެއް މިއްލަތެއް ގަބޫލު ނުކުރާ މީހުން ބޭނުންވަނީ އަހަރެމެން ހައްލާލައިގެން ގުރުއާނާ ދުރަށް ގެންދާށެވެ.
މިފަދަ ލާދީނީ ކަންތައްތައް ހުއްޓުވޭނީ އެމްޑީޕީގެ އާއްމު މެމްބަރުންގެ ތާއީދު ރައީސް އޮފީހުގައި އުޅޭ ލާދީނީ ބައިގަޑަށް ނެތް ކަން ހާމަކޮށް ދީގެންނެވެ. ނޫނީ ޕާޓީގެ ގޮފިތަކުގެ ނަމުގައި ސަރުކާރަށް އިލުތިމާސްކޮށްގެންނެވެ. އަދި އެމްޑީޕީގެ އަސާސީ ގަވާއިދުގައި ބުނާ އިސްލާމުދީން ދިފާއުކުރާނެކަމަށް ބުނާ ބުނުން ޕާޓީގެ މެމްބަރުންގެ ދުލާއި އަމަލުން ބުނެދީގެންނެވެ. މޯލްޑިވްސް ކަލްޗަ ވެބްސައިޓުގައި ދިވެހިންނަށް ނަސާރާދީން ބުނެދެން އުޅުނު ފަރީސާ، ދީނަކީ އިންސާނާ ދުނިޔެއަށް އައިސްގެން އަމިއްލައަށް އުފެއްދި ފިކުރިއްޔާތެކޭ ބުނާ ބޮދު ނަސީރުމެން ކަހަލަ މީހުން ރައީސް އޮފީހުން ބޭރުކުރުމަށް އެމްޑީޕީގެ އާއްމު މެމްބަރުން ގޮވާލައިގެންނެވެ.
0 comments:
Post a Comment