ސަރުކާރުން އެމްޑީޕީގެ މެނިފެސްޓޯ އާ ހިލާފުވެއްޖެ!

ރިޔާސީ އިންތިހާބުގައި އެމްޑީޕީއިން ގެންގުޅުނު މެނިފެސްޓޯގައި ބުނަނީ "މަސްތުވާތަކެއްޗަށް ހުޅުވިފައިހުރި ހުރިހާ ދޮރުތަކެއް ބަންދުކުރާނަން" ކަމަށެވެ. ނަމަވެސް، ސަރުކާރުން އިއްޔެގެ ވަގުތެއްގައި ރާއްޖޭގެ މީހުން އުޅޭ ރަށްރަށުގައި ބަގުރާ ވިއްކުން ހުއްދަކުރާ ގަވާއިދު އާއްމުކުރުމުން މަސްތުވާތަކެއްޗަށް އިތުރު ދޮރުތަކެއް ހުޅުވިގެން ދިޔައީއެވެ. އެއީ އެތަނުގެ މާކެޓިން މެނޭޖަރުކަންކުރާ ދިވެއްސަކު ބުނިހެން "މިހާރު އަހަރެންނަށްވެސް މާލޭގައި ތިބެގެން ރާފޮދެއް ބޯލެވިދާނެދޯއޭ.."(1) މިއީ ހަމަ ގައިމުވެސް، ގައުމަށް އިސްލާހުގެނައުމަށް ހެޔޮނިޔަތުގައި އެމްޑީޕީގެ ފަހަތުން ނުކުތް އެތަކެއް ދިވެހިންނެއް މާޔޫސްކުރުވާނޭކަމެކެވެ. އަދި މިސަރުކާރަށް އެމްޑީޕީގެ އެތެރެއިންނާއި ބޭރުން ނުރުހުމާއި ނަފުރަތު ގެނުވާނެކަމެއް ކަމާމެދު ޝައްކެއްނުކުރަމެވެ.

ރާއްޖޭގެ މީހުން އުޅޭ ރަށްރަށުގައި ބަގުރާ ވިއްކުން ހުއްދަކުރާ ގަވާއިދު އާއްމުކުރުމުގެ ބޭނުމަކީ ކޮބާ؟

އެގަވާއިދުގައި ބުނަނީ 100 ކޮޓަރި ހުންނަ ހޮޓާކަމުން އެގަވާއިދުގެ ދަށުން ބަގުރާ ވިއްކޭނޭ ހަމައެކަނި ހޮޓަލަކީ އެމްޑީޕީ ސަރުކާރުގެ ބޮޑުން ނިސްބަތްވާ ހޮލިޑޭ އިން އެކަންޏެވެ. އެހެންކަމުން، ބުނެވޭނީ މިއީ ހަމައެކަނި ހޮލިޑޭއިންގެ ހައްގުގައި ސަރުކާރުން ހަދައިދިން ގަވާއިދެކެވެ. ފޮރުވިފައިވާ އަނެއް ސަބަބަކީ، މިކަމަށް ރައްޔިތުން ތެޅިގަންނާނެ ގޮތް ބަލާފައި، ފައްޅިއެޅުމާއި، ދީނީ މިނިވަންކަމާއި، އެއްޖިންސުން ގުޅުން ހިންގުމާއި މިބާވަތުގެ ކަންތައްތައް ޑިމޮކުރަސީ އާއި މިނިވަންކަމުގެ ނަމުގައި މަޑުމަޑުން އާއްމުކުރުމެވެ. ހޮލިޑޭ އިން ހަދާފައިވާ ގެޔަކީ އިގިރޭސިވިލާތަށް ކަޑައަޅާފައިވާ ދަބަރު އިސްތަށީގެވެރި ފަރަހަނާޒު ފައިސަލް ގެ ގެއެވެ. ހިއްސާއެއް ނެތްކަމެއްވެސް ނޭގެއެވެ. ހިއްސާ ހަމަ ގައިމުވެސް އޮތީ މާރިޔާމެން އާއިލާއަށެވެ.

މިކަމާގުޅިގެން ރައީސްއޮފީހާއި ކަމާބެހޭ މިނިސްޓަރީއިން ދެވާހަކައެއް ދައްކަނީ ކީއްވެ؟

ހަގީގަތުގައި ދެތަނުން ވެސް ދައްކަނީ އެއްވާހަކައެކެވެ. ބޭނުންވަނީ ހޮލިޑޭއިން އިން ބަގުރާ ވިއްކޭނެ ގޮތް ހަދާށެވެ. މަސައްކަތްކުރަނީ ރައްޔިތުން މާބޮޑަށް ރުޅިނާރުވައި މިކަން އަވަހަށް ކޮށްލެވޭތޯއެވެ. ރާގު ބަދަލުކޮށްލަނީ ރައްޔިތުން ތެދުވެ ހަޅޭއްފަޅޭއް ޖަހަންފެށުމުންނެވެ. ގެޒެޓޭ، ގަވާއިދު އިސްލާހުކުރަނީއޭ ކިޔާ ދައްކާ ވާހަކައަކީ ހުސްބަހަނާތަކެކެވެ. އާދިލް ސަލީމު ސުޓޭޓު މިނިސްޓަރުކަމުގައި ހުރިހާ ހިދަކު ތިޔަ ގަވާއިދު އާއްމުނުކޮށެއް ދުލެއް ނުކުރާނެއެވެ. އޭނާއަކީ ރަލުގެ މައްސަލާގައި ބަސްޓުވެފައި ހުރި މީހެއްކަން މާލޭ ރައްޔިތުން މިހާރު ދަންނާނެތެވެ. ތިޔަކަމުން މިންޖުވާނި މިނިސްޓަރު ރަޝީދާއި އާދިލު ތިޔަތަނުން ބޭރުކޮށްގެންނެވެ.

އެމްޑީޕީގެ ސަރުކާރުގެ ވެއްޓުން އަވަސްވަނީބާއެވެ؟ ސިވިލްސާވިސް މުވައްޒަފުންގެ މުސާރައިގެ މައްސަލަ، ކަރަންޓު ބިލު، ބޭކާރު ސިޔާސީ މަގާމުތަކާއި ސަރުކާރުގެ ހޭދަކުރާނެ ފައިސާ ނެތުމުގެ މައްސަލަ ... ދެން މިހާރު ބަގުރާ... މާދަމާ ފައްޅި އެޅުން...