ރަށު ކައުންސިލަރުނާ ކަތީބުން، އަތޮޅުވެރިންނާ އަތޮޅު ކައުންސިލަރުން: ތަފާތަކީ ކޮބާ؟
ރަށު ކައުންސިލަރުންނާ އަތޮޅު ކައުންސިލަރުން އައު ސަރުކާރުން އައްޔަން ކުރައްވަމުން ގެންދަވާ ވާހަކަ މިދުވަސްކޮޅު މީޑިޔާއިން އެބައިވެއެވެ. ނަމަވެސް، މިއީ ކޮންކަމެއްކުރާ ބަޔެއްކަމެއް އެގެނީ ތިޔައިގެ ތެރެއިން ކިތައް ބޭފުޅުންނަށްތޯއެވެ. ކުރިންވެސް ތިއްބެވި ކަތީބުން ބައިތިއްބަވައި، އެކަތީބުންގެ މައްޗަށް ރަށު ކައުންސިލުން އައްޔަންކޮށް، އަތޮޅުވެރިން އައްޔަންކުރުން ހުއްޓުވާލައި، އޭގެ ބަދަލުގައި އަތޮޅު ކައުންސިލަރުން އައްޔަން ކުރަމުންދާއިރު އެދެބައި މީހުންގެ މަސައްކަތުގެ ދާއިރާ އާއި މަސްއޫލިއްޔަތުގެ ތަފާތަކީ ކޮބައިތޯއެވެ؟ އަދި އޭގެ މައްޗަށް ސުޓޭޓު މިނިސްޓަރުންގެ ނަމުގައި އެތަކެއް ކުދިކުދި އަތޮޅުތަކާ ބެހޭ ވަޒީރުން އައްޔަންކުރުމުގެ ބޭނުމަކީ ކޮބައިތޯއެވެ؟
ސަރުކާރުން ދެކޭގޮތުގައި މިއީ އަތޮޅުތައް ތަރައްގީކޮށް ހަރުދަނާކުރުމުގެ ބޭނުމުގައި ގެންނަމުން ދާ އިސްލާހީ ބަދަލުތަކެކެވެ. ކަތީބުންނަކީ މާޒީގައި ހިގާފައިހުރި ބަޔެއް ކަންކަމާހުރެ، ވަކިން ހާއްސަކޮށް އަމިއްލަ އެދުމުން ފުރިފައިތިބި މަދު ކަތީބުންތަކަކާހުރެ، ނަން ހުތުރުވެ ރައްޔިތުންގެ މެދުގައި ގަދަރާއި އިހުތިރާމު ގެއްލިފައިވާ ބަޔެކެވެ. އެހެންކަމުން އެހެން ނަންތަކެއް ތައާރަފުކުރީ ކަމަށް ބެލެވެއެވެ. ކަތީބުންނާއި ރަށު ކައުންސިލަރުންނަކީ މަސައްކަތުގެ ދާއިރާ އާއި މަސްއޫލިއްޔަތުގައި އެއްވެސް ތަފާތެއް ހުރި ބަޔެއް ނޫނެވެ. ކުރީ ސަރުކާރުން ކަތީބުންނާއި އަތޮޅުވެރިން އައްޔަންކުރި ފަދައިން މިސަރުކާރުންވެސް ސަރުކާރުގެ ބޮޑުން ހިތް ރުހޭ ބަޔަކު ރަށު ކައުންސިލަރުންގެ މަގާމަށާއި އަތޮޅު ކައުންސިލަރުންގެ މަގާމަށް އައްޔަންކުރަނީއެވެ.
މިއަދު ކުރެވޭ ސުވާލަކީ އެމްޑީޕީއިން ކުރިން ބުނަމުންއައި އިންތިހާބުކުރާ އަތޮޅުވެރިންނާއި އިންތިހާބުކުރާ ކަތީބުން މިހާރު ކޮބައިތޯއެވެ؟ އަތޮޅު ކައުންސިލަރުން އައްޔަންކުރުމުގެ ބަދަލުގައި އިންތިހާބު ކުރުމުގެ ވިސްނުން ދޫކޮށްލީ ކީއްވެތޯއެވެ؟ އެމްޑީޕީ ނަމޫނާ ވެރިކަމެއްގެ ނިޒާމެއްކަމުގައި ބަލަމުން އަންނަ އިގިރޭސިވިލާތުގެ ރަށްރަށުގަޔާއި ސަރަހައްދުތަކުގެ ކައުންސިލަރުންނަކީ ރައްޔިތުންގެ ވޯޓުން އިންތިހާބުކުރެވޭ ބަޔެއްކަން ހަމަ ނޭގެނީތޯއެވެ؟ ވެރިކަން ތިމާމެންނަށް ލިބުމުން ބަހާ އަމަލާ ދިމާކުރުމަކީ އެހާ މުހިއްމު ކަމަކަށް ނުވަނީ ތޯއެވެ؟
2 comments:
now no one will dare to comment also. People are terrified.
during maumoon time he changes the name boards of the places to deceive people of developments. now we see president nasheed changing the names of posts. atoll councillor or atoll verin does not make a difference as long as they are appointed against the wishes of the people.
Post a Comment