ހެޔޮވެރިކަމެއް ކުރުމަށް ކުރާ ކަންތައްތަކަކީ މިއީތޯ؟!
1. މަސައްކަތުގެ ތަޖުރިބާއެއް، ލިބިފައިހުރި ތައުލީމެއް ނުވަތަ ފެންވަރެއް ބެލުމެއްނެތި ދައުލަތުގެ ބޮޑެތި މަގާމުތައް ތިމާ ހިތްރުހޭ ފަރާތްތަކަށް ހަދިޔާކޮށް، މަތިމައްޗަށް ބޭކާރު މަގާމުތައް އުފައްދައި ސަރުކާރުގެ ބަރުހިލަކަން ބޮޑުކުރުން. މ. މެމްބަރު ޝަފީގުމެން ކަހަލަ. (ސަރުކާރުގެ ހިންގުން ހަރުދަނާކުރެވޭނީ ކަމަށް އެމީހާގެ ސިޔާސީ ފިކުރަށް ބެލުމުގެ ބަދަލުގައި ކަމަށް އެކަށޭނަ ގާބިލުމީހުން ލައިގެން ކަމަށް ރައީސް ނަޝީދު ކުރިން ވިދާޅުނުވަމުތޯއެވެ؟)
2. ގައުމަށް ހިޔާނާތްތެރިވެ، ތިމާއަށް ލިބިދާނެ ކުޑަކުޑަ ފައިދާއަކަށް ބޭރު ބަޔަކަށް ތިމާގެ ގައުމު ވިއްކާލުމަށް މަސައްކަތްކޮށް އެކަން ޝަރުއީކޯޓުތަކަށް ސާބިތުވެ މަރުގެ ހުކުމްކޮށްފައިވާ ފަރާތްތަކަށް ދައުލަތުގެ ހައިބަތު ބޮޑެތި މަގާމުތައް ދިނުން. ސްޓޭޓު މިނިސްޓަރު އަބްދުއްﷲ ޝާހިދުމެން ކަހަލަ. (އެއް ފުޅައްމަތިން ފުއްމާލި ބަކަރި އަނެއް ފުޅައްމަތިން ނުފުއްމާލާނެކަމުގެ ޔަގީންކަމެއް އެބައޮތްތޯއެވެ. މައާފުކުރުމަކީ ވަކިކަމެކެވެ. ސަރުކާރުން ވަޒީފާއެއް ދިނުމަކީވެސް ވަކިކަމެކެވެ. ނަމަވެސް، އެފަދަ މީހަކު ރައްޔިތުންގެ ރުހުމާ ދެކޮޅަށް ވަޒީރުންގެ މަގާމުގައި ގެންގުޅުމަކީ ހުދުމުހުތާރުގޮތެއްކަމާމެދު ޝައްކެތްނެތެވެ.)
3. ތިމާގެ އިންތިހާބަށް ފައިސާ ހަރަދުކުރުމަށް އެއްބަސްކުރުވައި ވަޒީރުންގެ މަޖިލީހުގެ ތިންބައިކުޅަ އެއްބައި ރާއްޖޭގެ ބޮޑު މަހުޖަނަކު ތިމާގެ ގޭކުދިންކޮޅު ލައިގެން ހަދައިގެން އުޅޭ ލަވަ ޕާޓީއަކަށް ވިއްކާލުން. އެމްޑީޕީ އާއި ޖުމުހުރީ ޕާޓީން ހެދި އެއްބަސް ކަހަލަ. (ކޮން މީހަކު ކުރިއަށް ކަރަޕްސަންވާނީ ކޮރަޕްސަނަށެވެ. ތިމާއަށް ލިބިފައިހުރި މަގާމެއްގެ ބޭނުންކޮށް ފައިސާކޮޅަކަށް ދައުލަތުގެ މަގާމުތަކެއް ވިއްކާލުމަކީ ކަރަޕްސަންނޫންތޯއެވެ)
4. ގައުމުގައި ތިބި މަދު ވިޔަފާރިވެރިން ކޮޅެއްގެ ހިތްރުއްސާލުމަށްޓަކައި އެމީހުން ހިތްރުހޭ ގޮތްގޮތަށް ގާނޫނުތައް ފާސްކުރުމަށް ބާރުއަޅައި ރައްޔިތުންގެ އިހުސާސްތަކުގައި ކޮޅުފައި ޖެހުން. ކުލިބޮޑުކުރުމަކާނުލައި ރިސޯޓުތަކުގެ މުއްދަތު އިތުރުކުރުމަށް މަސައްކަތްކުރުން ފަދަ ކަންތައްތައް. (ވަޒީރުން ލައްވައި ފާޑުފާޑުގެ ލަވަކިޔުއްވިއަށް މިކަމަކީ ރައްޔިތުންގެ މަންފާއަކަށް ކުރާކަމެއްނޫންކަން މަގުމަތިންދާ ބުޅަލަށްވެސް އެގޭނެއެވެ)
5. ތިމާ ނުރުހޭ ކަންތައްތައްކުރާ، އަދި ތިމާގެ ސިޔާސަތާ ދެކޮޅު ސިޔާސީ ޕާޓީތައް ނައްތާލުމަށް ހުށައެޅުން. އައިޑީޕީ އާއި ޑީއާރުޕީ އުވާލުމަށް ގޮވާލުން ފަދަ ކަންތައްތައް (ބަލަ، ޕުލޫރަލިސްޓިކް ޑިމޮކުރަސީ މިހާރުކޮބާ؟)
5 comments:
magumathin dhaa bulhaa?? man, that's really funny!
that is the problem with this govt. in the beginning i had lots of high hopes but no more.. so sad
i hope thae virus that entered himeyn-ingilaab stays away from this site.
why bring up the cigarette issue in here? isn't it personal issue? if president nasheed wants to smoke cant he smoke like anyone of you?
had enough of anni. ANNI ISTHIUFAA!!!
Post a Comment